Sipas një studimi nga shkencëtarët izraelitë, disa persona kanë zhvilluar trombocitopeni(TTP) pas vaksinimit me Pfizer. TTP është një sëmundje autoimune që shkakton mpiksjen e gjakut në organe të ndryshme të trupit.
Sipas Institutit Kombëtar të Shëndetit, këto mpiksje mund të bllokojnë gjakun e pasur me oksigjen në organet kryesore si truri, veshkat dhe zemra, duke çuar në probleme serioze shëndetësore.
Studiuesit nga Instituti i Hematologjisë në Qendrën Mjekësore Shamir thanë se ata ishin shumë të shqetësuar pas rritjes së rasteve me TTP në vend – katër raste të zbuluara në një muaj krahasuar me dy ose tre raste në vit.
Mjekët dhe pacientët duhet të jenë të vëmendshëm ndaj simptomave si: lodhje, dobësi, çrregullime neurologjike, hemorragji dhe dhimbje gjoksi,” sipas njoftimit të shkencëtarëve.
Ata gjithashtu u bënë thirrje “njerëzve të shëndetshëm” që janë vaksinuar të jenë vigjilentë dhe të kërkojnë ndihmë mjekësore menjëherë nëse kanë simptoma të tilla. Diagnostikimi i hershëm dhe trajtimet moderne kanë rritur shkallën e mbijetesës së një pacienti me TTP nga 10% në të kaluarën në 80% sot.
