Pas nëntë protestave përpara Kryeministrisë dhe Kuvendit, opozita do të bllokojë nesër akset kryesore që lidhin Jugun dhe Veriun me kryeqytetin për të paralizuar qarkullimin.
Protestën kryesore të saj, opozita pritet ta zhvillojë në Tiranë në rrethrrotullimin e Shqiponjës, ku pritet t’i bashkohet edhe kreu i PD-së, Lulzim Basha së bashku me aleatët e tij, ish-deputetë dhe simpatizantë të shumtë.
Një tjetër aks i rëndësishëm që do të bllokohet është edhe autostrada Plepa-Kavajë, ku në mbështetje të qytetarëve do të jenë ish-deputetët Edi Paloka, Oerd Bylykbashi, Orjola Pampuri dhe Florion Mima. Në rrethrrotullimin e Sheqit, në krye të së cilës do të jenë Enkelejd Alibeaj, Nada Meçorapaj dhe Tritan Shehu. Në Milot, në krye të tubimit do të jenë Flamur Noka, Lorenc Luka, Bardh Spahia Izmira Ulqinaku, Romeo Gurakuqi, Xhemal Gjunkshi, Lindita Metaliaj dhe Andon Frrokaj.
1- Elbasan (Rreth rrotullimit Bradashesh).
2- Durrës (Autostrada Plepa – Kavajë, përballë Shtëpisë së Pushimit të Ushtrisë).
3- Milot (Karburanti në Autostradë).
4- Fier (Rreth rrotullimi i Sheqit).
5- Tiranë (Rreth rrotullimi Shqiponjës).
