Gazetari Basir Çollaku ka denoncuar në rrjetet sociale kërcënimet me jetë që ka marrë ai dhe TV Shijak pas transmetimit të një pjese të intervistës së nënkomisar Emiljano Nuhut. Ja çfarë rrëfen gazetari që sapo është paditur edhe nga kryetari i grupit parlamentar socialist, Taulant Balla.
Kanosja në TV Shijak
“Do t’ju vrasim do t’ju fshijmë!”
Kanosje në redaksinë e Shijak TV. Sapo Televizioni Shijak transmetoi pjesën e parë të intervistës së nënkomisar Emiljano Nuhut, që denonconte kansojen në zyrë ndaj tij të djalit të deputetit Rrahman Rraja, në prani të deputetit Taulant Balla dhe kryebashkiakut Artur Bushi, banda e trazuar nisi nga kërcënimet. Një telefonatë vjen në numrin fiks të redaksisë dhe thotë:
“Do t’ju vrasim do t’ju fshijmë!”
Ky eshtë mesazhi mafioz i ardhur në redaksi. Prokuroria, nëse është vullnetdashëse në zbatim të ligjit mund të hulumtojë dhe gjejë telefonuesin e bandës kriminale. Ne do të vazhdojmë të përmbushim misionin tonë të fjalës së lirë.
