Nuk zgjati shumë entuziazmi për njohjen e pavarësisë së Kosovës nga Xhamajka.
Ishte Presidenti i Kosovës Hashim, Thaçi i pari që njoftoi për këtë njohje, ndërsa meritat kreu i shtetit ia autribuoi ambasadores së Kosovës në Washington, Vlora Çitaku dhe senatorit amerikan Eliot Engel.
Më pas, nuk mungoi as reagimi i kryeministrit Albin Kurti, i cili falenderoi shtetin e Xhamajkës për njohjen e pavarësisë së Kosovës.
Por, gjithçka u përmbys nga një status i ministres së Jashtme të Xhamajkës në Twitter, e cila bëri me dije se ky shtet ende nuk e ka njohur pavarësinë e Kosovës.
Presidenca thotë se njoftimin e kanë marrë nga ambasadorja e Kosovës në Washington, Vlora Çitaku.
/ABC News/
