Në skandalin e Air Albania, i cili do të gjykohet në Turqi del hapur që kryeministri Edi Rama është investuar personalisht për të favorizuar një aferë në blerjen e e kompanisë GFI Albania SH.P.K., e cila do të ndikonte drejtpërdrejtë në tregun e karburanteve në Shqipëri.
Sipërmarësi turk, Adnan Polat në deklaratën e tij për median thotë: “Me personin e quajtur Sinan Idrizi u ndërmorën negociata për blerjen e kompanisë GFI Albania SH.P.K. U ndërmorën hapa edhe me pjesëmarrjen e Kryeministrit të Shqipërisë, Edi Rama, dhe si rezultat, ndodhi ngjarja e përmendur…”.
Nuk është hera e parë që kryetari i qeverisë përflitet për korrupsion, por është është hera e parë që një njeri aq i fuqishëm në botën financiare turke si Adnan Polat e thotë me përgjegjësi që Edi Rama është përfshirë në vetë të parë dhe për pasojë ka ndodhur mashtrimi, vjedhja e parave të tij. Asnjë kryeministër nuk mund të ndërmarrë hapa konkretë në një marrëdhënie biznesi krejt private, përveçse kur është i interesuar që të jetë vetë pjesë e tregut të karburanteve, jo si politikan, por si padron.
Me sa duket në mashtrimin e Sinan Idrizit përkrahja ka ardhur plotësisht prej qeverisë. Sepse, vetëm një njeri me mbështetje të këtillë mund të të marrë 3 milionë e gjysëm dollarë, nuk i kthen dhe më pas del në televizor duke e pranuar hapur që e ka mik Edi Ramën.
Adnan Polat është një nga njerëzit më të fuqishëm në botën e biznesit turk. Ish-President i Gallatasaraj është shumë i pasur, por me mjaft prestigj. Ai nuk mund të pranojë kurrsesi të mashtrohet nga dyshja Idrizi-Rama, pasi më shumë se paratë e humbura në lojë është reputacioni i tij ndërkombëtar.
Adnan Polat është një njeri i afërt i Presidentit Recep Tayyip Erdogan, të cilit Edi Rama e thërret “vëllai i madh”.
