Pak ditë më parë në qytetin e Sarandës, u përurua obelisku kushtuar Bilal Xhaferrit, shkrimtari i talentuar i viteve ’60, që diktatura komuniste e përndoqi dhe e dënoi me harresë, derisa ai vendosi të braktisë atdheun.
Pasi mbeti jetim pa nënë, komunistët i vranë edhe të atin.
Motra e tij Antika, rrëfen vuajtjet e fëmijërisë në varfëri e të përndjekur nga regjimi.
Më pas dosja e përndjekjes nga Sigurimi i Shtetit na njeh me detaje të rëndësishme të jetës së Bilal Xhaferrit, kritikën e tij ndaj romanit “Dasma” të shkrimtarit Ismail Kadare dhe çfarë e pasoi përplasjen në lidhjen e shkrimtarëve.
Disa dorëshkrime mjaft interesante të Bilal Xhaferri, publikohen për herë të parë nga gazetarja Luljeta Progni në emisionin “Vetting” në Abc News.
