Deputeti i Partisë së Lirisë, Petrit Vasili thotë se qytetarët shqiptarë, me krizën e çmimeve që u ka bërë të papërballueshme jetesën, janë kthyer “si në diktaturë”, ku konsumohej më shumë buke për të mbijetuar. Vasili shkruan se ashtu si në kohët e diktaturës komuniste kanë rritur konsumin e bukës për të kompensuar pamundësinë e blerjes së produkteve te tjera. Sipas tij, çmimet e larta janë pasojë dhe e politikave korruptive të qeverisë.
“Shqiptaret sot ashtu si dje në Diktaturë, shtojnë konsumin e bukës për të mbijetuar!
Rritja e çmimeve të produkteve ushqimore është fakt shumë i rëndë, që ka tronditur shqiptarët nga ana ekonomike. Por kjo tronditje ka edhe anën e saj shumë të rëndësishme shëndetësore sepse shqiptarët, ashtu si dje në Diktaturë, janë të detyruar të ushqehen në mënyrë të njëanshme, kryesisht me bukë, për të mbijetuar. Shqiptarë ashtu si në kohët e diktaturës komuniste kanë rritur konsumin e bukës për të kompesuar pamundësinë e blerjes së produkteve të tjera. Ashtu si në kohët e diktaturës edhe sot shqiptarët kanë ulur përdorimin e mishit, sallamit, vajit dhe bulmetit për shkak të çmimeve shumë të larta, që vijnë nga politikat korruptive të qeverisë, që mbështet monopolet dhe oligarkët, që i zoterojnë ato. Është tepër i rëndë fakti që konsumi ka shënuar rënie për Produktet e Shportës, që varion nga 15 deri në 40% më pak krahasuar me vjet. Kompanitë kryesore të prodhimit dhe importit në vend pohojnë se arsyet kryesore të tkurrjes së konsumit janë:
Rritja e çmimeve nga shtrenjtimi i kostove
Emigracioni masiv i popullsisë, kryesisht të rinjve.
Bizneset kërkojnë ulje të taksave, pasi tkurrja e konsumit parashikohet të japë efekte:
Në falimentime dhe
Shkurtime të vendeve të punës.
Politikat korruptive të qeverisë rilindase bëjnë që një produkt mishi në Shqipëri të kushtojë 40% më shumë se në Maqedoni për shkak se:
Taksa e lëndës së parë përpunuese në Shqipëri është 12%, ndërsa në Maqedoninë e Veriut është zero.
TVSH e produkteve të konsumit është 20%, ndërsa në Maqedoninë e Veriut nga 5% që ishte u bë zero.
Taksat për karburantin, gazin dhe energjinë,
Kostoja e lartë nga taksat arrin deri në nivelin 40%.
Prodhuesi maqedonas automatikisht konkurron prodhuesin shqiptar me kosto 32% më pak, për shkak të lehtësive fiskale, duke shtuar këtu taksat për karburantin, gazin dhe energjinë, kostoja e lartë nga taksat arrin deri në nivelin 40%.
Nëse për të prodhuar një produkt mishi me kosto 500 lekë në Shqipëri, në Maqedoninë e Veriut, për shkak të lehtësive fiskale, kostoja e prodhimit është 300 lekë”.
Megjithëse jemi sezonin turistik në bare dhe restorantet e Tiranës e bregdetit të Jugut, operatorët thonë se konsumi ka rënë 30 deri në 40% nga rritja e çmimeve. Pra është e shume e qarte, se me qeverinë e Edi Ramës, qe ka pike te pare dhe te fundit te programit te saj vetëm vjedhjen e pangopur, Shqipërinë e pret gremina ekonomike, falimentimi ne mase dhe shpopullimi shkatërrimtar” – shkruan Vasili në facebook.
