Fundjava e Shpëtim Idrizit ka qenë ajo e takimeve në Qarkun e Vlorës. Pikërisht, në qytetin e flamurit, kreu i PDIU-së është ndalur me strukturat e partisë së tij.
Idrizi është shprehur se gjithë faktori politik shqiptar duhet të ketë një agjendë të vetme për integrimin në Europë, ndaj duhet një Pakt Kombëtar që të përfshijë reformën në drejtësi dhe integrimin.
Ai është ndalur në këtë takim tek rinia shqiptare duke thënë se PDIU duhet të përfaqësojë rininë, vlerat e saj të vërteta dhe patriotike, në mënyrë që e ardhmja mos të bjerë pre e vesit si kumari apo plot të tjera.
Ai kujtoi se PDIU si parti parlamentare prej 12 vjetësh, është duke prishur ujrat e kentës politike të krijuar gjithë këto kohë. Partia Drejtësi Integrim dhe Unitet është një kombëtare në rritje, e konsoliduar si parti e të gjithë shqiptarëve.
Duke u ndalur tek Çështja Çame, ai u shpreh se më në fund u respektuanët të rënët në varrezat e Kllogjerit, por kaq nuk mjafton. Falë këmbënguljes së PDIU, tani të gjitha partitë e tjera politike kanë përfshirë në program Çështjen e Çamërisë. Ai ka shprehur edhe një herë mirënjohjen ndaj Shoqatës Patriotike “Çamëria”, sepse ajo fillesa e sakrificës politike për Çështjen Çame, e cila sot ka mbërritur deri në Bashkimin Europian.
Sipas Shpëtim Idrizit, çamët nuk po kërkojnë vetëm pronat e tyre, por kërkojnë atdheun e të parëve.
“Për t’i dhënë drejtësi Çështjes Çame nuk është rastësi që Brukseli po diskuton hapur Çështjen Çame, mbi të gjitha si një çështje e të drejtave të njeriut. Është e pakuptimtë që sot ne, ende nuk lejohemi të hyjmë në Greqi, vetëm pse kemi lindur në vendin e quajtur Çamëri”, u shpreh nënkryetari i Kuvendit të Shqipërisë. Ai shtoi se kjo çështje po ndiqet nga një studio britanike. Më tej u shpreh se i kupton goditjet poshtë brezit ndaj PDIU-së, sepse këto sulme mbështeten nga Athina.
“Çamët janë antikomunistë, nuk janë as të majtë, as të djathtë. Ne kemi marrë nisma për hapjen e dosjeve, për heqjen e medaljeve të kohës së komunizmit që janë akoma dhe sot. Ne jemi një parti kombëtare, ndaj ftoj patriotët e mi vlonjatë, se do të jenë shumë më mirë në shtëpinë e tyre se kudo tjetër për të luftuar për kauzat tona të përbashkëta kombëtare. Nëse do të niseshim nga marrëveshja me qeverinë, sot nuk duhet të ishim në këtë koalicion, pasi as 1% e saj nuk është zbatuar, por PDIU është këtu për çështjet kombëtare”, tha Shpëtim Idrizi në Vlorë.
