Gjatë konferencës së sotme për shtyp për raportin e zgjerimit, komisioneri Oliver Varhelyi ka thënë se uron që zhvillimet e djeshme politike në Shqipëri në lidhje me ndryshimet e njënashme të Kodit Zgjedhor mos të çojnë në një ndarje të Shqipërisë nga Maqedonia e Veriut për tryezën e negociatave me Bashkimin Europian.
Politikisht dhe për hir të pozitës që mban në qeverinë europiane, komisioneri nuk mund të refuzojë një ftesë, por janë vendet anëtare ato që vendosin për çeljen e bisedimeve. Mjafton një vend i vetëm dhe procesi nuk hapet.
Droja që ka shprehur sot komisioneri qëndron pikërisht se është e sigurtë që Gjermania do i bëj block Rilindjes. Paralajmërimet gjermane për mos të shkelur Marrëveshjen e 5 qershorit “trimi” i qeverisë nuk i mori parasysh, prandaj Berlini do e ngelë në klasë Tiranën.
Burime të sigurta nga Brukseli e thonë këtë gjë hapur dhe me gjasë në bisedimet kokë më kokë që nesër do të ketë Komisioneri Oliver Varhelyi në Tiranë një gjë e këtillë do i thuhet copë Edi Ramës, Lulzim Bashës dhe Ilir Metës.
