Deputetja demokrate Rudina Hajdari u zyrtarizua të enjten si kryetare e grupit të ri parlamentar të PD-së, por mesa duket tashmë është krijuar edhe partia e saj e re.
Mësohet se partia e Rudinës do të quhet “Bindja Demokratike”, pjesë e së cilës do të jetë edhe ish-deputeti demokrat, Astrit Patozi, si dhe të larguar të tjerë nga demokratët. Regjistrimi i partisë do të bëhet në Gjykatën e Tiranës dhe më pas në KQZ.
Në mbledhjen që ka zhvilluar sot Hajdari me deputetët e tjerë, mësohet se ka pasur debate, pasi një pjesë e tyre thonë se nuk janë gati për fushatën në zgjedhjet lokale të 30 Qershorit.
