Në takimin e përjavshëm të Njësisë së koordinimit të koalicionit mungoi kryetari i PDIU-së, Shpëtim Idrizi
Është zhvilluar sot në vilën qeveritare takimi i përjavshëm i Njësisë së koordinimit të koalicionit qeveritar. Në këtë takim ka munguar sërish kryetari i PDIU-së, Shpëtim Idrizi.
Gramoz Ruçi doli i nervozuar dhe i tensionuar nga takimi i zhvilluar në vilën qeveritare, mes Ramës dhe Metës. Ishte takimi i përjavshëm i Njësisë së koordinimit të koalicionit, ku ishin të pranishëm kryeministri Edi Rama, kryetari i Kuvendit, Ilir Meta të shoqëruar nga krerët e gupeve parlamentare, Gramoz Ruçi i PS-së dhe Petrit Vasili i LSI-së. I pyetur nga mediat pas rreth një ore takimi, Ruçi është përgjigjur me nervozizëm: “Për mirëqeverisjen folëm po hajt…”.
Nuk ka ende konfirmim për ndonjë tension në takimin e krerëve të shumicës, por nervozizmi i Gramoz Ruçit do të thotë se diçka nuk ka shkuar mirë në atë takim.
