Gjatë seancës së sotme plenare është rrëzuar me 79 vota kundër dekreti i Presidentit Ilir Meta për vettingun në polici.
Më herët Lleshaj u kërkoi nga foltorja e Kuvendit deputetëve të rrëzojnë dekretin e presidentit Ilir Meta nëse duan vërtet vetting në radhët e policisë.
“Vettingun do ishte mirë ta kryente SHCBA. Ka nevojë të rregullojmë SHCBA, jo të krijojmë struktura ekstra. Edhe të jashtmit, kush i garanton që kanë certifikatë ndershmërie. Ju ftoj ta rrëzoni dekretin e presidentit nëse jeni për vettingun”, tha Lleshaj.
Ndërsa në dekretin e Metës shkruhej se:
“Nga shqyrtimi i ligjit nr. 20/2019, konstatohet se ky ligj cenon parimet dhe standardet e vendosura në ligjin ekzistues nr.12/2018, “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme””, shkruhej në dekretin e Metës.
