Kryeministri Edi Rama nga Kuvendi ka sulmuar drejtpërdrejtë presidentin e vendit Ilir Meta.
Në fjalën e tij Rama u shpreh se Meta ka pasur shansin që të ketë pozicionet më të larta shtetërore dhe sërish është i pangopur.
Pjesë nga fjala e Ramës:
Ky Kuvend është i detyruar sot që të merret me një akt brutal dhe të patolerueshëm të Ilir Metës, e pyes shpesh se çfarë kërkon më shumë nga Shqipëria Ilir Meta, që ende pa mbushur 50-vjeç e ka bërë edhe kryeministër, edhe kryetar Kuvendi dhe president? Kujt më shumë se Ilir Metës i janë harruar përçarjet dhe skandalet dhe është rilindur më i burrëruar.
Kush më shumë se Ilir Meta duhet të pyeste sot shqiptarët për borxhet që iu ka lënë? Iliri është mësuar keq, që ta përqeshë fatin e tij, ta shkelmojë të mirën e tij, për tu bërë vend e pavend protagonist, ku nuk i pëlqen vendi që ka, jo president të jetë, po madje mbret të të gjitha trojeve shqiptarë ta shpallim, Ilir Meta prapë se prapë nuk do të ndalej, me pangopësinë e tij të pandalshme.
Për çfarë arsye në botë presidenti i vendit do të bëhej qesharak në dalje të paqena, për të justifikuar një budallallëk që fshin firmën e tij me një tjetër firm. Arsyeja e vetme është Ilir Meta.
Po të isha ngushtësisht i interesuar, për mua personalisht, për rehatinë e karriges sime, unë do të isha i pari, që këtë renë e madhe që lëshoi presidenti nga patallonat, të thoja bravo zoti president, që më hoqe dhembjen e kokës, këtu jemi i bëjmë zgjedhjet kur të biemë dakord. Mund të bëja dhe këtë të thoja jazëk të qoftë zoti president, dhe dilja e thoja si një burrë i urtë dhe i pafajshëm se kjo ishte një lojë e pisët politike dhe se unë nuk kisha faj. Shpëtoja dhe unë dhe PS nga zgjedhjet vendore, dhe na lindte dhe precedenti që nesër pasnesër të mos hynim pjesë në zgjedhje, sa herë që ne donim.
https://www.facebook.com/edirama.al/videos/472043530228572/
