Rama: Me Kosovën kemi marrëdhënie speciale, por s’kam degë të PS atje

0
105

Kryeministri Edi Rama, në një konferencë me gazetarët në Beograd pas samitit për “Open Ballkan”, është pyetur nëse do të insistojë të bindë Kosovën që të bëhet pjesë e kësaj nisme.

Sa i përket Kosovës dhe kur mund t’i bashkohet ajo nismës, Rama tha se me Kosovën kemi një marrëdhënie speciale, por shtoi se vetë ai nuk bëj asnjë përpjekje për të imponuar asgjë, ndërsa ironizoi se nuk ka degë të PS-së në Kosovë, duke thumbuar kështu kryeministrin Albin Kurti për qendrën e Vetëvendosjes në Shqipëri.

Edi Rama: Me Kosovën kemi një marrëdhënie speciale dhe nuk varet as nga Open dhe nga close Balkan, bëjmë çmos që do ta kemi sa më cilësore për të gjitha çështjet që lidhen me aspektin ndërkombëtar, etj etj. Kurse Open Balkan është një ndërveprim në një hapësirë shumë më të madhe, është mbi përfitimin e familjeve, janë gjëra që i kam diskutuar dhe i diskutoj, por nuk bëj asnjë përpjekje për të imponuar asgjë. Nuk është e drejta ime që të hyj në atë proces, ju e dini që s’kam as degë të Partisë Socialiste në Kosovë.