Rama dhe Meta “në paqe”/ Gazetari Hoxha: Tani do ta hajë Dvorani, si pako me llokume që krushqit i bëjnë dhuratë njëri-tjetrit

Pandemia më duket se uli tensionet mes dy liderëve kryesorë të politikës, Ramës dhe Metës.
Edhe pse jo më larg se 4 marsi presidenti thirri një tubim duke folur për grusht shteti nga ana e Ramës, të tilla terma nuk artikulohen më në publik.
Kryeministri shprehu vlerësim maksimal për qendrimin e Presidentit ndërsa ky i fundit gjithashtu ka mbështetur qeverinë në nismat e saj, siç ishin edhe ndryshimet në Kodin Penal.
Këtë situatë e ka komentuar gazetari Artan Hoxha i cili aludon se “kokë turku” në këtë histori do bëhet Ardian Dvorani i KED.
“Na falni, ashtu ishte nje muhabet…RESPEKTE… Vetëm një merak kam unë, çfarë u bë me ato provat dhe videot perveluese qe na u premtuan se do publikoheshin për “Grushtin e shtetit” dhe për kapjen e kushtetutes?! Po ai hetimi parlamentar për shkarkimin e Metës, në cfarë sirtari sanitarësh ka përfunduar?! Po me atë superhetimin për Dvoranin, cfarë do bëhet tani?! Uuuuu, se mu kujtua, më duket se Dvorani, kaq e pat?!
Do ta hajë tani, si pako me llokume, që krushqit i bëjnë dhuratë njëri-tjetrit, para se të japin pëlqimin e krushqisë”, shkruan Hoxha.