Deputeti i Partisë për Drejtësi Integrim dhe Unitet, Aqif Rakipi u ndëshkua nga votat e Partisë Socialiste dhe Partisë Demokratike në Komisionin Qendror të Zgjedhjeve, për një vepër, të cilën as nuk e mbante mend ta kishte kryer, jo më të ishte një vepër që binte ndesh me ligjin e Dekriminalizimit, ligj që ai vetë e ka votuar në Legjislaturën e shkuar.
Gjithsesi, kjo ishte hakmarrja e klasës politike shqiptare për një deputet që mbronte Çështjen Kombëtare, për një deputet i cili ka qëndruar përballë qeverisë për sa i përket marrëveshjes që kjo e fundit ka bërë me palën greke.
Megjithatë rruga ligjore mbetet për t’u ndjekur, vendimi i sotëm në KQZ, është në shkelje të hapur të të drejtave të njeriut, por edhe të së drejtës të ligjvënësit.
Megjithatë, ky vendim u imponua nga arroganca e kartonit.
