Nga Simon Shkreli
Protestat janë të ligjëshme. Dhunë! Ndaj kuj? Ndaj një godine! Po qytetarët kanë të drejtë që godinat e tyre ti trajtojnë si duan! Dhunë ndaj individit nuk pash! Janë apo s’janë Shkodranë ata, që dogjën karriket në rrugë, dhe thyen reklamat në qytet. Sa diskutim bajat. Dolën protestuan dhe nuk durojnë me ata të rinjë 13-16 vjeç që siç thotë kolegu Elvis Bajram Nabolli jetojnë pak km larg qendrës së qytetit dhe nuk kanë asnjë terren sportiv, asnjë të ardhme, ftyrat e prindërve të tyre të ngrysura, i shohin mëngjes e darkë. Tryezat e tyre të cilët varfërohen çdo ditë. Ata shpërthejnë, e ndërsa motori i propagandës rozë, blu, e ku dreqi di unë, turren duke akuzuar njëri tjetrin se kush i ka fajet Saliu, Rama apo dyshja Llesh-Veliu. Nga ana tjetër gafa shekullore e P.R të Kryetares së Bashkisë pjesmarrja në protestë qytetare e thirrur nga rrjetet sociale. Dhe pastaj deklaratat edhe me bajatë. Më kujtohet atë nate kur Besjan Zaja bëri thirrje “Në ora 22:00 do dal në Pjacë të Shkodrës”. Dolën aq sa dolën, ndezën qirinjë dhe asgjë më shumë. Edhe sot po e njëjta ishte, deri sa ai gjaku i atyre të miturve që nuk dijnë ti kanalizojnë emocionet, sepse nuk i drejton askush, por humbja e shpresës se për mungesë të një maske edhe vritesh! Si mendoni se do reagojnë këta të rinjë. Kur politika si ajo qëndrore ashtu edhe ajo vendore nuk mendon për ta, por mendon se si të rregulloj P.R e vetë. E ndërsa Iliri me Taulantin u turren në Shkodër dhe dhanë deklarata edhe më bajate. Se ka kush me Socialistët e Shkodrës, sepse ata njihen në Shkodër dhe janë të ndëruar në komunitet. Por e kanë me sistemin që politika Shqiptare ka ngritur ku shtetasit e vet i trajton thjesht si shifra, ndërsa policët me uniformë i trajton ashtu siç edhe i dëgjuam “Këlysh”. Sado të egër të jenë këta të rinjë që dogjën ca karrike dhe disa reklama në qytet, janë shenjë e revoltës së tyre ndaj humbjes së shpresës. Prandaj këto protesta janë reflektim për të gjithë, edhe për ata lartë edhe për këta poshtë. Ndërsa ti lënë fotografitë që duan ti tregojnë pas 30 vitesh isha edhe une aty. Por shkoni e pyetni ata fëmijë pse qëlluan sot me gurë selinë e PS-së? Sepse nesër do mund edhe ti drejtohen edhe nga selia e PD-së, apo te Bashkia, Prefektura, Hipoteka, Gjykata, Prokuroria, Policia…Pyeteni mllefin e tyre, dhe mos i qani karriket e falura për selinë rozë…
