Situata politike në Maqedoni është shoqëruar me protesta të shumta që kanë degjeneruar deri në dhunë fizike ndaj deputetëve shqiptarë në parlament. Gjatë ditës së sotme në Shkup është organizuar një tjetër protestë dhe në pankartat e protestuesve vihen re emrat e politikanëve shqiptarë që e kanë mbështetur vazhdimisht çështjen e shqiptarëve në Maqedoni.
“Rama dhe Doda, bëhuni një model për Maqedoninë duke pranuar gjuhën maqedonase si gjuhë zyrtare në Shqipëri”- ironizojnë protestuesit maqedonas me pankartat që mbajnë në duar.
Ligjvënësja e PDIU, Mesila Doda ka marrë gjatë ditëve të fundit edhe mesazhe kërcënuese nga maqedonasit, por Doda vazhdon e patrembur mbështetjen ndaj shqiptarëve të Maqedonisë. Kurse kryeministri Edi Rama është akuzuar shpesh nga maqedonasit se ka ndikuar në hartimin e platformës së partive shqiptare në Maqedoni.
