Presidenti i Republikës Ilir Meta, siç kishte paralajmëruar në konferencën e mbajtur nga presidenca dorëzoi sot në SPAK kallëzimin ndaj ministres së Drejtësisë, Etilda Gjonaj, të cilën e akuzon se ka shkelur ligjin lidhur me publikimin e vendimit të KED në Fletoren Zyrtare.
Meta gjithashtu tha se është duke mbledhur prova të tjera kundër mazhorancës.
Por në kallëzimin penal pranë SPAK, Presidenti të Republikës ka depozituar sot kallëzimin edhe ndaj 3 funksionarëve të lartë të Ministrisë së Drejtësisë, dhe konkretisht:
– Etilda Dalip GJONAJ, me detyrë Ministre e Drejtësisë.
– Gentian Fehmi DEVA, me detyrë Sekretar i Përgjithshëm i Ministrisë së Drejtësisë.
– Etleva Admir HAXHIA, me detyrë Drejtoreshë e Qendrës së Botimeve Zyrtare.
Ata akuzohen se në bashkëpunim, kanë konsumuar veprat penale të mëposhtme:
1. “Shpërdorim i Detyrës”, parashikuar nga neni 248 i Kodit Penal;
2. “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1 i Kodit Penal;
3. “Falsifikim i dokumenteve”, parashikuar nga neni 186 i Kodit Penal
4. “Përvetësimi i titullit apo i detyrës shtetërore”, parashikuar nga neni 246 i Kodit Penale.
