Vashdimësia e koalicionit PS-LSI ende asgjë konkrete
Ka përfunduar takimi midis Kryeministrit Rama dhe Kryeparlametarit Meta. Në një deklaratë të shkurtër për median Meta tha se gjatë takimit me Ramën biseduan vetëm për zgjidhjen e krizës politike dhe jo për koalicionin PS-LSI.
Më tej Meta sqaroi se gjatë takimit u fol për 3 pika kryesore për zgjidhjen e ngërçit që ishin: Mbrojtja e votës, zgjdhja e Presidentit me konsensus, dialog pa kushte me opozitës dhe dërgimi i një letra Partive Popullore Europiane ku do t’i kërkojnë asistencë për dialogun me opozitën.
Ndërsa kur u pyet nga gazetarët nëse është vendosur gatë takimit për ecurinë e koalicionit PS-LSI Meta tha që kjo çështje nuk ja vlen që të diskutohet tani pasi kemi një çështje më të rëndëshime që duhet zgjidhur, krizën politike.
Gjithashtu Meta tha se jam i gatshëm që të zhvilloj dhe një takim me Lulzim Bashën për zgjidhjen e krizës.
“Dëshiroj të theksoj se qëllimi kryesor i këtij takimi ishte rritja e përpjekjeve tona për të garantuar paprekshmërinë e votës së qytetarëve shqiptarë si themel i bashkëjetesës. Konfirmuam vullnetin për të nisur një dialog pa kushte që tani me opozitën dhe drejtuesit e saj legjitimë. Së dyti kemi vendosur të vazhdojmë procedurat kushtetuese për zgjedhjen e presidentit të ri por pa paraqitur asnjë emër, apo asnjë kandidaturë, pa dialoguar dhe pa bërë përpjekjet për konsensus me opozitën edhe pse kjo maxhorancë ka gati 90 vota në parlament.
Së treti duke e kuptuar vështirësinë e opozitës për të pasur besim sepse, çështja e mosbesimit është evidente dhe kjo është arsyeja përse dialogu ende nuk ka nisur kemi vendosur t’i drejtohemi zyrtarisht PPE ku dhe PD është anëtare që të asistojë sa më shpejt të jetë e mundur në këtë dialog në mënyrë që ky ngërç të marrë fund sa më shpejt”– u shpreh Meta.
Takimi mes Ramës dhe Metës ka zgjatur 1 orë e 40 minuta.
