Pas katër orësh protestë, kreu i Partisë Demokratike Lulzim Basha po mban një fjalim nga selia e Partisë Demokratike.
Në fjalën e tij përpara selisë së PD, Basha tha se largimi i Ramës është kusht i i panegociueshëm i opozitës.
“Mirënjohje të thellë për ju, për këtë protestë të pashoqe, mirënjohje për këtë qëndresë monumentale në këtë natë, në këtë lindje të lirisë së re të demokracisë europiane. Ju morët me vete dhe bashkuat më të madhen e histrisë sonë kombëtare, dritën e shpirtit tuaj dhe ndriçuat rrugën e shpresës që kalon vetëm përmes zgjedhejve të lira e të ndershme, që do i kthejnë vendit qeverinë legjitime. Sot në protestën e 9 në 8 javë dhe të 3 kombëtare kërkuam largimin e Edi Ramës si kusht i panegociueshëm për zgjedhje të lira dhe të ndershme”,- tha Basha.
