Nga Abedin Rakipi
Si mund të pranojnë disa çamë ish-PDIU-stë, të jenë kandidatë për këshilltarë bashkiakë në listat e PS-së për Tiranën, ndërkohë që pas Napoleon Zervës dhe Enver Hoxhës, Edi Rama është ai që i dha goditjen fatale Çështjes Çame.
A ka logjike që mund ta pranojë këtë pafytyrësi ? Si mund të jesh pjesë përbërëse e një force politike që është vënë në shërbim të Greqisë për mbytjen e Çështjes Çame? A mendoni se jemi aq budallenj sa të besojmë broçkullat tuaja se edhe për këtë fajin e ka Shpëtim Idrizi? Po e marrim si të mirëqenë, “arsyetimin” tuaj se Shpëtim Idrizi ka shumë faje… a zgjodhët të flini me mullixhiun për inat të vjehrrës dhe këtë në kurriz të Çamërisë?
Kjo manovër tregon edhe një herë se sa peshë ka Çamëria në mendjen tuaj, aq sa jeni në gjendje të bëheni mercenarë të një force politike që shiti Çamërinë… dhe për cilën arsye e bëtë këtë? Se nuk ishit dakord me linjën politike të Shpëtim Idrizit? A e ka Shpëtim Idrizi fajin që ju pasi ratë në ujdi me Lali Erin vendosët të rreshtoheshit në radhët e PS-së, e cila i bëri një pabesi të pashembullt Çështjes Çame?
Kjo situatë ka dy mundësi: “ose juve, çamët iu duken dele me aq pak intuitë sa të besojnë broçkulla të tilla, ose ju jeni mercenarë të shitur për interesat tuaja personale, si drejtori, anëtarësim në këshillin bashkiak e kështu me radhë… dhe këtë e bëtë duke nxjerrë Çamërinë në ankand për të arritur karriget që doni aq fort t’i keni. Thuajeni troç, zgjodhët karriget tuaja dhe jo Çamërinë…. Turp të keni! Kjo është fjala ime e fundit.
