Patozi: Mbrojtja e Ramës ndaj Dakos, si në kohën e diktaturës

Kreu i Bindjes Demokratike Astrit Patozi ka reaguar pas deklaratave të kryeministrit Edi Rama, ku mbroi publikisht Vangjush Dakon, duke e cilësuar mik të tijin edhe nëse dënohej.
Sipas Patozit, mbrojtja që Rama i bën Dakos është njësoj si në kohën e diktaturës e për më tepër një eksponenti që ka pasur lidhje me krimin e organizuar dhe me bandat.
Gjithashtu Patozi ka komentuar edhe takimet që komisioni i Venecias po zhvillon ditët e fundit në vendin tonë.
“Kur shikoj se eksponentët e Venecias vijnë në Tiranë me çanta në duar çdo dy ditë me vjen keq se ne u kemi dërguar aq shumë çështje sa jemi bërë qesharak. Ne na ka plasur cipa dhe çështjet atje mund të jenë dhe më shumë se vetëm ato që kemi çuar. Kjo tregon se të gjithë institucionet e shtetit shqiptar janë në një rënie të lirë pa frena dhe pa doganë. Nuk dua të intepretoj nëse ka apo jo presidenti në emërimet, por di të them se vonesa e Kushtetueses është e qëllimshme, pasi të gjithë palët kanë futur duar në vonesën e saj pasi e cilësojnë si një pikë të rëndësishme të cilat kanë dosje për fatet politike të disa personazheve. Mungesa e Kushtetueses në një shtet prej kattoni siç është Shqipëria mund të përdoret dehe po keqpërdoret, në një vend tjetër mungesa e Gjykatës Kushtetuese nuk do të ndodhte. Kjo bëhet sa më e shtyrë si çështje presidenti thotë kushtetuta është e imja kuvendi nga ana tjetër është e imja,” tha Patozi.
Kreu i BD ka folur edhe për paketën Anti-KÇK, duke e cilësuar të kotë pas 6 vite e gjysmë korrupsioni nga ana e qeverisë.
“Paketa Anti KÇK ka pranuar kapitullimin e saj, ka pranuar se për 6 vjet e gjysëm ka rrahur ujin në havan. Kjo që demostron qeveria sot nuk është shenjë force por dobësie, se të ishte e fortë nuk kishte nevojë për Anti KÇK”, u shpreh Patozi.
Patozi është shprehur edhe se Rama dhe Basha nuk e duan ndryshimin, ndërsa thekson se propozimet që PD bëri për refformën zgjedhore i bien “hasha” revolucionit të 30 qershorit.