I dërguari i Posaçëm i Shteteve të Bashkuara të Amerikës për Ballkanin Perëndimor, Matthew Palmer ka zhvilluar një takim me ambasadoren e re të SHBA në Tiranë, Yuri Kim.
Lajmin e bëri të ditur vetë ambasada e SHBA nëpërmjet një postimi në Facebook. Palmer dhe Kim kanë diskutuar për reformën zgjedhore, si edhe për qëndrimin që Shqipëria mbajti ndaj Iranit pas vrasjes së Qasem Soleimani.
Postimi i plotë:
Zv.Ndihmës Sekretari i Shtetit dhe i Dërguari i Veçantë për Balkanin Perëndimor Mattheë Palmer u takua me Ambasadoren Yuri Kim për të diskutuar qëndrimin e guximshëm dhe parimor të Shqipërisë mbi Iranin, si dhe lajmin pozitiv lidhur me përkushtimin ndërpartiak për të realizuar reformën zgjedhore në përputhje me rekomandimet e OSBE/ODIHR.
