Ka përfunduar numërimi për 5123 kuti votimi nga 5362 gjithsej , 95. 54% të votave dhe projeksioni i konfigurimit rezulton si më poshtë:
PS numëron me 74 mandate, kundrejt PD me 43 mandate. LSI deri tani numeron 19 mandate, PDIU 3 mandate dhe PSD 1 mandat.
Kreu i KQZ-së Klement Zguri dhe zëdhënësja Drilona Hoxhaj kanë apeluar komisionerët të vijojnë procesin, në të kundërt do të shkarkohen.
Në Berat kanë mbetur 4 kutitë e fundit pa u hedhur në sistemin e të dhënave të KQZ. Durrësi ka për numërim 53 kutitë e fundit, në Elbasan mbeten ende 67 kuti, në Gjirokastër 11 kuti, në Kukës 2 kutitë e fundit, në Lezhë 2 kuti, në Shkodër 30 kuti, Tirana ka 75 kuti ende për numërim dhe Vlora ka 3 kuti.
Përkundër numrit të votave që shpërndahen nga njëra parti tek tjetra, asgjë nuk ka ndryshuar në numrin e mandateve në rang kombëtar.
