Kryetari i Lidhjes Demokratike të Kosovës, Isa Mustafa, tanimë ka arritur në ndërtesën e Kuvendit të Kosovës, ku së shpejti pritet të nis takimin me kryetarin e Lëvizjes Vetëvendosje, Albin Kurti.
Mustafa duke hyrë në Kuvend i ka thënë mediave se po mundohen ta bëjnë marrëveshjen. Bashkë me Mustafën, ishte edhe Vjosa Osmani e Agim Veliu.
Kurti duke dal nga ndërtesa e Lëvizjes Vetëvendosje ka thënë se ende nuk ka ndonjë marrëveshje me LDK-në për koalicionin qeverisës dhe se nuk varet çdo gjë nga ai ndryshe nga sa deklaronte dje se marrëveshja ishte shumë afër, transmeton KosovaPress.
Nga ana tjetër, kreu i Lëvizjes Vetëvendosje, Albin Kurti ka folur shkurtimisht para se të nisej në Kuvend të Kosovës ku do të takohet me Isa Mustafën për të vendosur për koalicionin.
Para selisë të partisë, aty ku deri pak më parë kishte mbledhje me grupin e punës, Kurti tha se nuk do t’i ndalin përpjekjet e që ka pasur lëvizje.
Mirëpo, Kurti thotë se marrëveshje nuk ka ende.
“Përpjekjet nuk i ndalim, lëvizje ka pasur, marrëveshje nuk ka ende”, ka thënë Albin Kurti para se të nisej në Kuvend të Kosovës.
Takimi në mes të Kurtit dhe Mustafës pritet që të nis për pak minuta. Në Kuvend kanë arritur zyrtarët e LDK-së
