Mjeku Pipero: Javët në vijim do ketë rënie të kurbës, virusi nuk rikthehet, por…

Mjeku infeksionist Pëllumb Pipero ka thënë së është ende shpejt, por pritet që në javët në vijim të kemi një rënie të kurbës së infeksioneve. Gjë e cila do të shënoj sipas tij fillimin e një fundi të gjatë,
Në një intervistë të dhënë Pipero është shprehur se mendon që me rënien e kurbës masat shtrënguese të qeverisë mund të vijnë duke u zbutur, por kjo nuk do të thotë se njerëzit nuk duhet të bëjnë kujdes.
Ai tha se pensionistët dhe ata me probleme shëndetësore duhet të vazhdojnë të qëndrojnë në shtëpi.
“Në javët në vijim do të kemi me shumë mundësi rënie të kurbës, e cila do të shënojë fillimin e një fundi të gjatë. Kur flas për kurbë rënëse e kam fjalën për rang kombëtar dhe jo për një qytet në veçanti. Me rënien e kurbës mendoj se edhe qeveria do t’i lehtësojë masat shtënguese, por kjo nuk do të thotë që njerëzit duhet të dalin nga shtëpia. Pensionistët dhe ata me probleme shëndetësore duhet të qëndrojnë në shtëpi. Rritja e temperaturës ndihmon në uljen e transmetueshmërisë së virusit. Virusi nuk mund të rikthehet, por lë imunitet te njeriu. Këtë javë numrat e të infektuarve do të luhaten. Javën tjetër e më tej do të nisë rënia, do të kemi më pak raste”, u shpreh Pipero.