Ish-deputetja e PD-së, Albana Vokshi ka reaguar pas lajmit se janë të infektuar me koronavirus 32 mjekë dhe infermierë.
Përmes një postimi në rrjetet sociale ajo shprehet se ata janë prekur pasi maskat mbrojtëse ishin të skaduara.
Statusi i plotë:
Sot, Ministria e Shëndetësisë raportoi:
– 32 mjekë e infermierë janë prekur nga COVID-19,
Ose
– 14,3% e totalit të personave të prekur.
Kjo është përqindja më e lartë krahasuar me cdo vend tjetër, madje lë pas edhe Italinë e që e ka në nivelin 9%.
Jo vetëm kaq, por Ministria e Shëndetësisë, nuk tregoi as faktin që ndër 32 staf mjekësor, ka edhe kryeinfermiere pavionesh të cilat janë prekur duke punuar me përkushtim maksimal në vijën e parë të betejës ndaj këtij virusi. Të tjerë janë prekur me gjasa sepse maskat e skaduara jo vetëm nuk ishin mbrojtje për ta, përkundrazi …
Kemi ngritur zërin cdo ditë, kemi kërkuar që prioriteti numër një i Qeverisë të ishte mbrojtja e stafit mjekësor. Por ende sot, ata gjenden të vetëm e të pambrojtur, pa veshje të përshtatshme, pa doreza, pa maska….
Është #Urgjente, është jetike, që Ministria e Shëndetësisë të shpërndajë mjetet mbrojtëse që mbërritën para disa ditësh në Rinas. Asnjë staf mjekësor ose mbështetës nuk duhet të shqetësohet si të mbrojë veten e tij ndaj COVID19.
