Dhuna e ushtruar në Elbasan në Ditën e Verës sipas sekretares së përgjithshme të PDIU, Mesila Dodës, e dymbëdhjeta në listën e Tiranës, është një shenjë e keqe, e cila tregon se kryeministri Edi Rama e ka humbur toruan dhe se nuk ka shpresë që do të fitojë më 25 prill.
“Në Elbasan është shenjë e keqe, pse e them se duket sikur e ka humbur toruan dhe nuk ka shpresë që Rama të fitojë. Rama ka filluar të nxisë njerëz me rekorde kriminale. Në Elbasan që të ketë qytetarë që thonë “Rama ik!” është normale, po mënyra si reaguan me atë lloj shtazërie besoj që është shenja se ky njeri nuk do të ikë në mënyrë të paqtë, besoj se jo vetëm që e ka shans të humbur, por humbja do të jetë më e thellë se do duket”,- tha Doda në emisionin “5 pyetje nga Babaramo” në Report TV.
