Sekretarja e Përgjithshme e PDIU-së Mesila Doda ka qenë e ftuar ditën e sotme në emisionin Top Talk në Top Channel.
E pyetur për takimin e presidentin Meta, Doda tha se u diskutuan dy çështje kryesore, situate politike në vend si dhe hapat e fundit të ndërmara nga Presidenti i Republikës, Ilir Meta.
Sipas Dodës, Meta ka evidentuar së fundmi një tendencë të qeverisë për të marrë institucionet e drejtësisë, gjë e cila nuk është aspak e re.
“Reforma në Drejtësi, në vend që të ishte shpresë u bë molla e sherrit për të future duart politika, dhe në rastin tonë mazhoranca e cila po e kontrollon procesin nëpërmjet personave të cilët që në fillim janë evidentuar si njerëz të aftë për mazhorancën. Kemi emërime që janë në kundërshtim flagrant me Kushtetutën, njerëz që kanë bërë ligjin dhe më pas kanë zënë institucionet e drejtësisë”, tha Doda.
Më tej, Doda foli edhe për angazhimin e ambasadorëve në Shqipëri, duke i cilësuar disa prej tyre si “grupi i gatshëm i ndihmës për kryeministrin”.
“Këtu janë derdhur të paktën 200 milionë euro për t’u kryer një reformë e vërtëtë në Drejtësi. Mbasi u bë lëmsh me ekspertët që vijnë nga një krah apo një krah tjetër, sot po kërkohet ti vihet një kapak për të thënë që jemi në rregull. Në fakt kështu nuk është në rregull”, u shpreh Doda.
