Për herë të parë Filip Çakuli që ka vënë në lojë gjithkënd në media dhe gjetkë, nuk e ka “duruar” dot një batutë miqësore të bërë për të nga Enkel Demi në emisionin “ABC-ja e Mëngjesit”.
Ky i fundit duke bërë shaka me gabimet apo lapsuset që kapen nga monitorimi i Fiks Fare ka bërë autoironi me të dhe ka thënë se po ndihmojmë që Filip Çakuli të marrë rrogën.
Çudia është se për herë të parë “Fiks fare” ka mbajtur një fjalim moral shoqëruar me pamje denigruese.
Gjithsesi, “polemika” mund të ketë qenë burim nervozizmi pa shkak, aq më shumë që Enkel Demi thotë: “Unë kam qenë në Top Channel, themeluesi i Top Channel-it, dhe njeriu i parë që ka dal në televizor në Top Channel kam qenë unë. Më ka qëlluar që gjatë asaj periudhe të më merrnin mendim, kuptohet pozitiv edhe për Filipin…”.
