Presidenti i Serbisë, Aleksandar Vuçiç, të gjitha shpresat i ka te Franca për zgjidhjen e problemeve me Kosovën.
Gjatë ditës së sotme presidenti francez, Emmanuel Macron pritet në një vizitë dy-ditore në Beograd. Pak para vizitës së tij, presidenti serb, Aleksandar Vuçiç, ka deklaruar se pret mbështetje të madhe nga Franca e sidomos në zgjidhjen e problemeve me Kosovën.
“Me padurim dhe me shpresa të mëdha po e pres vizitën jashtëzakonisht të rëndësishme të presidentit francez, Emmanuel Macron. Pres që pas kësaj vizite ne do të kemi mbështetje më të fortë dhe më të madhe të Francës rrugën tonë evropiane, por edhe në zgjidhjen e problemeve me Kosovën. Nuk do të mendojmë njëjtë, kjo është e pamundur. Por a do të mund t’i kuptojnë disa prej kërkesave dhe nevojave tona, Presidenti Macron e ka bërë një gjë të tillë, ai është i sinqertë dhe tani këtë e ka dëshmuar”, theksoi Vuçiç në “TV Pink”.
Theksojmë se presidenti Macron do të takohet me shumë zyrtarë serbë dhe se dialogu i Kosovë-Serbi, do të jetë tema kryesore e vizitës së tij.
