Lulzim Basha fill pas takimit me John Kerry-n tha se nuk është fallxhor dhe nuk mund të parashikojë si do të shkojë puna e Reformës në Drejtësi. Ai u shpreh se opozita po punon së bashku me faktorin ndërkombëtar për një reformë, e cila duhet të zgjasë më shume se jeta e kësaj shumice. Ai u shpreh: “PD dhe unë jemi të përkushtuar për zbatimin e kornizës dhe kur Rama e Meta të jenë gati, ne jemi gati për të dhënë kontributin tonë.”
Sekretari amerikan i Shtetit u takua me kryetarin e PD-së në Hotel Rogner. Basha u shoqërua nga kreu i grupit parlamentar, Edi Paloka, nënkryetari e PD, Edmond Spaho, si dhe Jorida Tabaku e Aldo Bumçi. Në këtë takim Basha nuk preferoi të kishte të pranishëm Eduard Selamin, një nga kritikët e tij më të ashpër të kohëve të fundit, por në të njëjtën kohë i insipiruar politikisht nga Uashingtoni.
Sipas korrenspodentes të Opinion.al në këtë takim, Jorida Tabaku, sekretari Kerry ka theksuar nevojën e miratimit të reformave kryesore në vend, me në krye atë të Drejtësisë, si një gur themeli drejt avancimit të Shqipërisë në BE.
Basha në fund të takimit u shpreh se mbetet i përkushtuar ndaj veprave, siç ishte rasti i dekriminalizimit, që nuk do të ishte përfunduar me sukses pa mbështetjen e jashtëzakonshme të Shteteve të Bashkuara të Amerikës. Ai shtoi se të tjera sfida e presin Shqipërinë, në të cilat po kontribuojnë jashtë mase SHBA, për të pasur një të ardhme më pranë BE-së jo vetëm për shqiptarët, por për të gjithë rajonin.
Basha tha: “Çështja kyçe e demokracisë shqiptare është edhe ajo e zgjedhjeve të lira dhe demokratike, për të cilat PD kërkon mbështetjen e ndërkombëtarëve, për t’i realizuar në mënyrë sa më reale. I jam mirënjohës sekretarit Kerry që ndau kohë për të diskutuar me opozitën shqiptare, e cila do të japë gjithçka mundet për t’i hapur rrugë një demokracie pjesëmarrëse dhe për t’i dhënë fund oligarkisë në pushtet.”
Me pak fjalë Basha foli me sllogane dhe ju përgjigjën me sllogane.
