Pas takimit me kryetarin e PD-së, ambasadori i SHBA-së dhe ajo e BE-së takohen me kryetarin e Komisionit të Reformës në Drejtësi, Fatmir Xhafaj
Ambasadori amerikan, Donald Lu dhe ajo e BE-së, Romana Vllahutin, vazhduan sot turin e takimeve me politikën për të diskutuar për Reformën në Drejtësi dhe Byronë Kombëtare të Hetimit. Ata kanë shkuar në kryesinë e Kuvendit ku po takohen me kryetarin e Komisionit të Reformës në Drejtësi, Fatmir Xhafaj.
Paraditen e sotme, Lu e Vllahutin u takuan për rreth dy orë me kryetarin e Partisë Demokratike, Lulzim Basha. Tema e takimeve është reforma në drejtësi dhe përpjekjet për të unifikuar qëndrimet e të gjitha palëve për të finalizuar miratimin e saj në Kuvend. Byroja Kombëtare e Hetimit ka qënë gjithashtu në qëndër të bisedës në këto takime. Megjithse ende nuk ka një draft për Byronë Kombëtare të Hetimit, po diksutohet nga palët se nga cili institucion të varet Byroja.
Në takimin e fundit mes krerëve të koalcionit qeveritar, u diskutua për draftin e munguar të Byrosë Kombëtare të Hetimit. Edi Rama i PS-së, Ilir Meta i LSI-së dhe Shpëtim Idrizi i PDIU-së u takuan pak ditë më parë ku diksutuan mundësinë e një drafti të përgatitur nga ekspertët e SHBA-së për Byronë Kombëtare të Hetimit.
