Ka mbërritur në Tiranë ministri i Jashtëm holandez, Bert Koender për të diskutuar nga afër me palët zgjidhjen e krizës politike në vend.
Gjatë një konference të përbashkët për shtyp me Ministrin e Jashtëm Ditmir Bushati, Bert Koenders u bëri apel për dialog palëve politike në vend. Koenders tha se është më rëndësi të zbatohet vettingu por edhe të kemi një proçes zgjedhor të lirë dhe të ndershëm.
“Ne mbështesim fort përparimin në fushën e drejtësisë që është bërë deri më tani. Mezi pres të shoh progresin e integrimit në Europë, reformën në drejtësi dhe zgjedhjet e lira dhe të ndershme”-tha Koenders.
Sa i takon rrugës drejt integrimit në Bashkimin Europian, Ministri i Punëve të Jashtme të Mbretërisë së Vendeve të Ulëta konfirmoi mbështetjen e Holandës për Shqipërinë.
“Dua të jap mbështetjen e Holandës në mbështetjen e Shqipërisë në BE. Jam shumë i kënaqur në marrëdhëniet tona bilaterale në fusha të ndryshme. Ne jemi investitori i dytë më i madh në Shqipëri.Gjithmonë e më tepër ne e gjejmë veten në fusha të ndryshme si turizmi. Kemi bashkëpunim të mirë edhe në luftën kundër radikalizimit dhe ISIS. Holanda mbështet prespektivën e Shqipërisë në BE”- u shpreh ministri i jashtëm holandez.
Nga ana e tij, Bushati, pasi u shpreh mirënjohës ndaj Holandës për mbështetjen që i ka dhënë Shqipërisë për reformën në drejtësi. Bushati deklaroi që “politika duhet të ndahet nga tradita e mbrapshtë e komentimit apo ankesave ndaj përfaqësuesve të shteteve të ndryshme në Shqipëri”, duke iu referuar deklaratavë të opozitës kohët e fundit.
Më herët në njoftimin zyrtar të PD-së u lajmërua që Koenders pritet të takohet në mesditë me kreun e opozitës Lulzim Basha. Takimi mes tyre është parashikuar në orën 14.30 në Rogner, ndërsa 30 minuta më vonë në po të njëjtin hotel me ministrin e Jashtëm gjerman, Bert Koender, i cili është edhe përfaqësues i partisë së Merkel në Gjermani.
