Kryetari i Partisë Demokratike Lulzim Basha ka anulluar dy aktivitete publike të parashikuara për pasditen e sotme.
Pas konfirmimit te dy rasteve të para me koronavirus në Shqipëri, burimet nga PD, thanë se në Kalanë e Tiranës ishte përgatitur një event kushtuar grave shqiptare për kontributin e tyre në shoqërinë tonë, tashmë është anuluar.
Aktiviteti, ku ishte parashikuar pjesëmarrja e rreth 300 grave dhe vajzave, do të zhvillohet në një moment tjetër, kur shëndeti i qytetarëve të mos konsiderohet i rrezikuar.
I njëjti vendim u mor edhe për një një dëgjesë me mësuesit, pjesë e turit #potedegjoj, por edhe ky event do të shtyhet për një moment tjetër.
