Korabi nuk do të luajë as këtë javë në stadiumin e vet në Peshkopi
Federata Shqiptare e Futbollit ka refuzuar kërkesën e Klubit të Futbollit “Korab” për të zhvilluar ndeshjen në stadiumin e vet, duke thënë se nuk plotëson kushtet. Drejtuesit dhe tifozët dibranë shpresonin që të luanin për herë të parë në shtëpinë e tyre pas 53 vitesh.
Në njoftimin e FSHF-së thuhet që “…duke nisur që nga kjo javë, u vendos që të mos pranohet kjo kërkesë e KF Korabit për mosplotësim të kushteve nga ana e klubit, të detyrueshme për t’u kualifikuar si objekt i licensuar”.
Kërkesa është shqyrtuar nga Komisioni i Licensimit pranë FSHF-së, i mbledhur mbrëmjen e së premtes.
