Dy shtetas shqiptarë janë arrestuar nga policia italiane në Milano pasi e kishin kthyer banesën e tyre në bazë droge.
Shtetasve iu gjetën më shumë se 200 kilogramë metanfetaminë, 225 kilogramë paracetamol që shërbente për të përzierë kokainën dhe heroinën, 1 kilogram marijuanë, 500 gramë kokainë dhe rreth 5250 euro.
Policia bëri të mundur arrestimin shtetasve pasi banorët e kësaj zone kishin njoftuar vazhdimisht lëvizjet e shqiptarëve, që solli më pas nisjen e hetimeve. Madje sipas mediave italiane banorët i dinin me saktësi vendet dhe oraret që lëviznin shqiptarët.
Hetimet nisën në Komo për të përfunduar në Milano, pikërisht duke ndjekur gjurmët e dy shqiptarëve. Sipas hetuesve shtetasit e kishin kthyer banesën e tyre në një bazë të vërtetë logjistike për trafikun e drogës.
