Ashtu sikur ishte paralajmëruar që prej ditës se djeshme, Inspektorati Kombëtar i Mbrojtjes së Territorit ka nisur mëngjesin e sotëm prishjen e një sërë objektesh në zonën e “Astirit”, për projektin e Unazës së Madhe së kryeqytetit, Loti I.
Sipas IKMT, janë 33 objekte që variojnë një deri në katër kate të cilat do të prishen, prej të cilave 21 janë shpronësuar, ndërsa të tjerat janë skualifikuar nga procesi i legalizimit.
Ndërkohë që prej mbrëmjes së djeshme banorët janë ngujuar në rrugë për të pritur punonjësit e IKMT-së për të mos lejuar prishjen e banesave ndërsa IKMT mbështetet në këtë aksion nga policia e shtetit.
