Sqarimi i Ministrisë së Brendshme se lajmi i dalë në media në lidhje me një raport të ri të CIA-s mbi situatën e sigurisë në Shqipëri, është i pasaktë dhe keq-orientues për publikun, ka shkaktuar shumë reagime në ambjentin politik dhe jo vetëm.
Ministria ka thënë:
“Sqarojmë se nuk ka ndonjë raport specifik të kësaj organizate të publikuar në ditët e fundit në lidhje me situatën në Shqipëri.” “The Ëorld Factbook”, është i publikuar në faqen zyrtare të CIA-s. Ky është një produkt i kësaj organizate që përditësohet në mënyrë të përjavshme dhe përmbajtja është lehtësisht e arrotshme online. Pra, megjithëse përditësimi i fundit është i datës 14 gusht 2018, theksojmë se ky është një përditësim i “Factbook” si i tërë dhe jo i të dhënave specifike për Shqipërinë.
Aktualisht për Shqipërinë, “Factbook” ka të njëjtën përmbajtje me atë të vitit 2017 dhe ky tekst, me ndryshime të vogla, është pothuajse i njëjtë me atë të publikuar gjatë periudhës 2007 – 2016. Bashkëlidhur me këtë njoftim përcjellim edhe fotot “print-screen” të faqeve përkatëse të “Factbook” sipas viteve.
Spekullimet politike për të prodhuar me çdo kusht lajme negative njollosin dhe cënojnë drejtpërdrejtë punën dhe sakrificat e punonjësve të Policisë së Shtetit.
Ministria e Brendshme ka qenë dhe mbetet e hapur dhe transparente me median duke informuar me korrektesë për ngjarje që kanë të bëjnë me luftën kundër paligjshmërisë e kriminalitetit.”
Ish-ministri i drejtësisë, Ylli Manjani ka reaguar duke shkruar:
“Sqarimi më qesharak i mundshëm i Ministrisë së Brendshme.
Me pak fjalë Xhafa thotë:
“Ku di CIA se ç’është tagjia (hashashi)”.
Që nga viti 1990 nuk kishim dëgjuar kësi sqarimesh kundër “forcave imperialiste”…”
Kurse Edi Paloka, nënkryetar i Partisë Demokratike shprehet:
“Vetëm vëllai i Agron Xhafës, aktualisht në burg për trafik droge, mund t’i thote CIA-s se është e pasaktë.
Raporti i përditësuar i CIA-s nxjerr zbuluar mashtrimin e Edi Ramës që është fituar lufta kundër mbjelljes se kanabisit.
Le të dalë vëllai i Agron Xhafës dhe të mohoje se vetëm në 7 muaj janë kapur rreth 30 tonë drogë, kryesisht në Itali, Greqi dhe më pak në Shqipëri.
Le të thotë vëllai i Agron Xhafës, pse nuk bën analizat e drogës së kapur, njësoj siç i bën Italia dhe Greqia dhe që u del se kanabisi është i freskët.
Mashtrimeve të qeverisë së narkotrafikut u ka dalë boja! Shqiptarët nuk meritojnë një kryeministër të lidhur me krimin e organizuar!”
