Pas dështimit të dy raundeve të para, Hashim Thaçi është zgjedhur president i Kosovës në raundin e tretë të votimit. Thaçi mori 71 vota nga Kuvendit i Kosovës ndërsa rivali i tij Rafet Rama nuk mundi të marrë asnjë votë në raundin e fundit. Në raundin e parë hashim Thaçi mundi të marrë vetëm 50 vota ndërkohë që 4 i mori kundërshtari i tij dhe 27 të tjera ishin të pavlefshme. Në raudin e dytë, Thaçi mori 64 vota ndërsa rivali i tij 2 vota, 15 të tjera mbetën të pavlefshme.
Thaçi u zgjodh kreu i ri i Kosovës, në një atmosferë tejet të rënduar, në një seancë tejet të ndezur dhe të ndërprerë disa herë nga gazi lotsjellës që hodhën ligjvënësit e opozitës.
Jashtë ambjenteve të Kuvendit vazhduan protestat e fuqishme, ku gjindja është përplasur me forcat e policisë. Forcat e sigurisë kanë përdorur ujin me presion për të shprndarë demonstruesit, kurse të irrituarit shishe molotov.
