Ferhan Hasani dhe Fatos Beqiraj shënuan në ndeshjet e fundit për përfaqësueset e Maqedonisë dhe Malit të Zi
Shqipëria dhe Kosova u mundën në ndeshjet kualifikuese të së djelës, madje pa shënuar asnjë gol, qoftë në Shkodër, apo në Krakovë. Por ka pasur futbollistë të tjerë shqiptarë që i ndihmuan skuadrat e tyre. Maqedonia është mundur nga Italia vetëm sepse i mungoi totalisht fati, ndërkohë që ka zhvilluar një lojë më shumë se dinjitoze, ndërsa Ferhan Hasani, me një gol të shkëlqyer i kaloi provizorisht në avantazh fqinjët tanë. Hasani ka lindur në Tetovë dhe aktualisht është kapiteni i Shkëndisë.
Fatos Beqiraj, sulmues i Përfaqësueses së Malit të Zi
Ndërkohë që ka shënuar edhe Fatos Beqiraj, por ky një nga golat e përfaqësueses së Malit të Zi, në fitoren 5-0 ndaj Kazakistanit. Sulmuesi i Dinamos së Moskës ka lindur në Pejë dhe ky është goli i shtatë i tij me fanelën e Kombëtares malazeze.
