Koronavirusi po përhapet me shpejtësi të madhe në Kinë, ku ka shkaktuar deri më tani 106 viktima, ndërsa raste janë shënuar edhe në vende të tjera.
Për të folur për situatën e rëndë në Kinë, ishte në një lidhje direkte për “Abc-ja e mëngjesit”, gazetari shqiptar Edison Myrteza, i cili jeton në Pekin.
Gazetari tha se jetesa në Pekin është më ndryshe se në zonat e tjera, megjithatë siç thekson ai njerëzit janë të frikësuar.
I pyetur nga “ABC e mëngjesit”, nëse do të kthehej në Shqipëri duke iu referuar edhe thirrjes së ambasadës së vendit tonë atje, gazetari tha se kiste vetëm pak ditë që ishte kthyer në Pekin, pas fetave të fundvitit që kaloi në Shqipëri.
https://www.youtube.com/watch?v=Roy6Wi4Ld60&feature=youtu.be&app=desktop
Pjesë nga intervista në studio:
Nga informacionet që unë kam parë, mbi 1400 vetë kanë marrë virusin, ndërsa vetëm 1200 në 24 orët e fundit. Situata nuk është e mirë, por jo aq alarmante sa bëhet. Higjena personale është shumë e rëndësishme.
Si mund të jetosh në Kinë dhe të mos përdorësh metronë?
Pekini është shumë i madh, ndoshta është edhe Viti i Ri Kinez të gjithë kthehen në shtëpitë e tyre. Nuk ka shumë njerëz nëpër qytete, nëse do ta përdorësh metronë mund ta përdorësh, por është më mirë të ruash veten. Pekini është shumë i madh.
Është duke u festuar Vit i Ri Kinez ndërkohë?
Ndryshe nga vitet e kaluara, nuk është festuar. Ndoshta në vendete e vogla kanë tentuar të festojnë. Por këtë vit ndryshe nga vitet e tjera ka qenë shumë i vakët. Njerëzit janë të frikësuar.
Unë lexova një deklatratë të ambasdorit tonë atje, ty vetë te ka vajtur mendja të kthehesh në Shqipëri?
Kjo pyetje më është bërë nga qindra të tjerë. Unë sapo kam ardhur se isha në Shqipëri. Është e pamundur ndoshta të lëviz. Pas disa ditësh ne ndoshta do e nisim normalisht punën. Nuk dihet sa është një numër i saktë shqiptarësh. Ambasada nuk ka një databaze për shqiptarët. Kjo duhej bërë shumë vite më parë.
Ambasada thotë paraqituni sepse ka shumë shqiptarë bëjnë edhe tregti me Kinën. Numri do të jetë diçka e lëvizshme si ta ketë apo mos ta ketë databaze.
Po por sigurisht, por databaze duhet të ketë për ata që rrinë më shumë se 6 muaj. Nuk dihet, unë nuk mund të them për një numër të saktë. Por kjo duhej bërë shumë vite më parë nuk duhej pritur që të shpërthente virusi. Ndoshta numri i të prekuve mund të jetë shumë më i madh se jepet në media, por ne kemi vetëm median kineze dhe atë do përdorim.
Në Euronews kam parë një raportim ku shkenctarët kinezë janë duke un përpjekur që të kuptojnë rrugët se si transmetohet dhe thomin që nuk po pëson mutacion. Po punohet për këtë gjë?
U tha në fakt që pëson mutacion, tani thuhet që jo. Ende nuk ka një konfirmim zyrtar për këtë. Ndoshta duan ta bëjnë problem. Ndoshta presidenti i SHBA do të japë ndihmë për të ulur tensionet ne të dyja vendet.
