Në pranga kanë rënë 5 shtetas
97 kg kanabis sativa janë sekuestruar gjatë 3 operacioneve të zhvilluara në 12 orët e fundit në Vlorë, Lezhë dhe Mat.
Policia e Vlorës ka finalizuar operacionin antidrogë të koduar “WEST”, duke sekuestruar 80 kg kanabis e duke arrestuar një 62-vjeçar, zotërues i lëndës nartkotike. Bëhet fjalë për shtetastin Spiro Tupa, banues në fshatin Beshisht të Vlorës.
Në bazë të informacioneve të marra në rrugë operative se ky shtetas dispononte lëndë narkotike në banesë gati për ta shitur, menjëherë Policia e Vlorës ka shkuar në fshatin Beshisht, duke bërë të mundur kapjen tij në flagrancë në banesë.
Në Lezhë është zhvilluar operacioni i koduar “Reps”, ku janë sekuestruar 11 kg kanabis dhe është arrestuar poseduesi i lëndës narkotike, shtetasi Fatmir Gjonikaj, 28 vjeç, banues në Mirditë.
Ndërsa në Mat është zhvilluar operacioni “Minuta e fundit”. Specialistët për narkotikët kanë sekuestruar 6 kg kanabis si dhe kanë vënë në pranga 3 shtetas: Alfred Dedja, 30 vjeç; Jurgen Alzeneli, 21 vjeç, dhe K.K, 18 vjeç, të gjithë banues në qytetin e Burrelit.
