Megjithëse, kryetari i qeverisë Edi Rama tha se Fatmir Xhafaj iku vetë, na del që “molla e sherrit” që e paska dëbuar ministrin e Brendshëm nga kabineti, paska qenë një sondazh i Baton Haxhiut.
Ky i fundit, megjithëse nuk ka kurrfarë tagri politik, na del që mat opinionin për llogari të kryeministrit. Se si paguhet mbetet e rëndësisë së dorës së dytë, por dje në emisionin “Open” të Eni Vasilit në Top Channel, Baton Haxhiu tha: “…sipas sondazheve që kemi kryer ne, rezultonte që 76% e opinionit ishte për largimin e ministrit të Brendshëm, pasi ai pësoi goditje në imazh pas çështjes së të vëllait.”
Duhet pritur nëse ka shkarkime të tjera për të bërë në qeveri Batoni.
