Kryeministri Edi Rama ka mprehur përsëri shpatën ndaj gazetarëve në emisionin “Java” në RTSH. Ja çfarë ka thënë ai për kritikët e tij në media:
“Unë konstatoj se janë pjesë e një konstelacioni Kadrinj.
Këta janë Kadrinj. Kadriu ka lindur nga një komentator në facebook. Ai mund të ishte Ylli, Andi, Qimi… atë i thashë atij dhe ngeli Kadriu.
S’kam asgjë personale me këta. S’e kam me Artur Zhejin e kam me Artur Kadriun, s’e kam me Ylli Rakipin e kam me Ylli Kadriun. Një opinionist thotë: “shpifja është një mjet legjitim për të rrëzuar Edi Ramën”. Ky është Andi Kadriu.
Duke i thënë Kadriu unë i bëj nderin që distancohem nga personi dhe merrem me fenomenin. Këta janë Kadrinj të gjithë. Në jetën private kanë jetën e tyre, kurse kur hyjnë në studio janë Kadrinj, të gjithë.”
