Paralelisht me ankesën e PDIU për rinumërimin e votave në disa qendra votimi të Tiranës, KQZ shqyrtoi edhe kërkesën e Partisë Socialiste duke miratuar në fund të mbledhjes hapjen e kutive.
Referuar ankimimit të Partisë Socialiste, Mesila Doda thotë se hajduti pasi ka shkatërruar procesin kërkon kthimin e një procedure që e ka bërë vetë tek pullë pa asnjë ndërhyrje.
Përmes një statusi të postuar në rrjetin social facebook, Doda thotë se në të gjitha qendrat e votimit që konteston PS, vetëm në 2 raste PDIU ka pasur numërues.
“Ky është rasti, kur vetë forca politike përgjegjëse e bën pis procesin e vet… e administroi vetë, e numëroi po vetë… ne as nuk ishim në ato tavolina dhe në fund ka pretendime për rezultatin…
Hajduti pasi ka shkatërruar procesin kërkon kthimin e një procedure që e ka bërë vetë tek pullë, pa asnjë ndërhyrje…
Në të gjitha qendrat e votimit që konteston PS, vetëm në dy raste PDIU ka pasur numërues. I bie që nga njëra anë na kanë vjedhur votat, nga ana tjetër, edhe aty ku nuk kemi pasur numërues, na kanë dhënë vota”, ka shkruar Doda.
