“Le të shpresojmë që Hashim Thaçi do jetë një President përbashkues”
Deputetja Mesila Doda ka qënë ndër të parët politikanë shqiptarë që uruan Presidentin e ri të Kosovës të sapozgjedhur. Deputetja Doda ka përcjellë urimet për Thaçin përmes një mesazhi në facebook. “Urime Presidentit të ri të Kosovës, Hashim Thaçi. Le të shpresojmë dhe të lutemi që situata politike në Kosovë do jetë më e mirë dhe më pozitive pas zgjedhjes së Presidentit të ri. Kosova ka nevojë për stabilitet dhe përkushtim. Le të shpresojmë që Thaçi do jetë një President përbashkues dhe do të shërbejë si simbol unifikimi për shqiptarët e Kosovës të gjithë krahëve politikë”, shkruan Doda.
