Sikur mos të kishte njerëz si Damian Gjiknuri në kabinetin qeveritar, gjithkush mund ta besonte Edi Ramën, që jo vetëm janë hapur negociatat, por madje kjo është festë, sepse kemi bërë një hap të madh. Por, për fat të keq ministri i Edi Ramës në një intervistë për Zërin e Amerikës e pranon që nuk ka asnjë garanci se negociatat do të hapen qershorin e vitit të ardhshëm.
A thua kemi të bëjmë me një lëvizje brenda qeverisë kundër kryeministrit? Pohimi i Damian Gjiknurit është shumë më afër Lulzim Bashës se sa Edi Ramës. Ndoshta Gjiknuri po udhëheq një rrymë të mendimit ndryshe që kundërshton politikat e kreut të Rilindjes.
Zëri i Amerikës – Po i kthehem një zhvillimi të rëndësishëm që është ai vendimit të Europës. Si e shihni këtë vendim pasi qeveria që ju bëni pjesë se negociatat do të hapeshin këtë verë?
Damian Gjiknuri – Ky është një proces që nuk varej nga Shqipëria, por që varet nga Europa. Në kompleksitet Europa është një organizim që ka debate brenda saj, ka shtete që për shkaqe të brendshme janë kundër zgjerimit. Prandaj, ajo që u arrit dje është një sukses.
Zëri i Amerikës – Është e vërtetë, por Europa ju vendosi disa kushte?
Damian Gjiknuri – Këto janë reforma në proces, Komisioni vlerësoi këto reforma, por tha që të vijojnë këto reforma.
Zëri i Amerikës – Çfarë garancish ka që hapen në 2019?
Damian Gjiknuri – Nuk mund të japë garanci së çfarë ndodh me shtetet europiane. Unë dëgjova se kemi një dritë jeshile shumë të qartë. Nëse BE do të binte në një cikël që nuk është parashikuar, këtë nuk e themi dot.
