Ditën e sotme, Kryeministri i Kosovës Albin Kurti, ka refuzuar kërkesën e Amerikës për sa i përket heqjes së taksës ndaj produkteve serbe.
Teksa shumë politikanë dhe analistë janë “të shqetësuar” për pasojat që mund të ketë ky vendim por analisti nga Tirana, Andi Bushati i ka dal në krah Kurtit.
Nëpërmjet një reagimi në rrjetet sociale, Bushati shprehet se ata që respektojnë më shumë Richard Grenell (i dërguar I posaçëm I SHBA për dialogun Kosovë-Serbi) më shumë se sa veten, janë të shtirur edhe në dashurinë e tyre ndaj Amerikës.
Postimi i plotë i Bushatit:
Bravo Albin… Erdhi dita
Ka shumë shqiptarë që po shfaqen të shqetësuar me veprimet e Albin Kurtit, dhe shpërthejnë njësoj si besimtarët iracionalë të cileve u prekin profetin e tyre;
Po përpara se të tremben se mos prishemi me NATO-n, mire është të bëjnë pyetjen: a mund të firmosë një person marrëveshje sekrete duke ia fshehur parlamentit; përpara se të friksohen se mos na ndëshkon një diplomat kaubojs, është mire të mendojnë nese ka të drejte ai më shumë sesa zgjedhësit e Kosovës, për të përcaktuar se kush do ta përballë Vuçiçin në dialog.
Ata që respektojnë më shumë Grenellin sesa veten e tyre, janë të shtirur edhe në pasionin ndaj Amerikës.
Pasoja e dosjes “Balluku”, bllokohet raporti IBAR, kyçi i negociatave për nisen e mbylljes së kapitujve –
Shqipëria ka ngecur në Bruksel, mes Komisionit dhe Këshillit të Bashkimit Europian. Edhe pse qeveria e unionit thotë që vendi...
